You are here: Home
 
 

نوجوان نسل کو مسئلہ فلسطین سے آگہی فراہم کرنا اہم تریم فریضہ ہے۔ معروف سماجی کارکن علی قاسم

E-mail Print PDF

0Pala9774کراچی (فلسطین نیوز۔مرکز اطلاعات) فلسطین فاؤنڈیشن پاکستان کے مرکزی سیکرٹری جنرل صابر ابو مریم سے علی قاسم فاؤنڈیشن کے چیئر مین اور معروف سماجی رہنما اور یوتھ رہنما علی قاسم کی ملاقات مورخہ 3 جنوری کو ہوئی۔

فلسطین نیوز کو موصول ہونے والی اطلاعات کے مطابق ملاقات کے دوران فلسطین فاؤنڈیشن پاکستان کے مرکزی سیکرٹری جنرل صابر ابو مریم نے یوتھ رہنما علی قاسم کو فلسطین فاؤنڈیشن کے قیام اور اغراض و مقاصد سمیت گزشتہ دس سالہ جد وجہد سے آگاہ کیا جس پر علی قاسم کاکہنا تھا کہ فلسطین فاؤنڈیشن پاکستان کی جد وجہد مثالی ہے اور پاکستان کی تمام سیاسی ومذہبی جماعتوں سمیت نوجوانوں اور سول سوسائٹی کے لئے مسئلہ فلسطین کو اجاگر کرنے کے لئے نمونہ عمل ہے۔ ا س موقع پر علی قاسم نے فلسطین فاؤنڈیشن پاکستان کا حصہ بننے کا عزم کرتے ہوئے سندھ بھر میں ڈائریکٹر کے طور پر اپنی ذمہ داریوں کو انجام دینے کا عزم بھی کیا اور نوجوانوں کے لئے مسئلہ فلسطین سے متعلق آگہی کے لئے مختلف موضوعات روشنی ڈالتے ہوئے جلد ہی نوجوانوں کے لئے فلسطین آگہی مہم چلانے پر بھی زور دیا۔