You are here: فلسطین قبلہ اوّل کے خلاف اردن،اسرائیلی اشتعال انگیزی بند کرائے: فلسطینی اوقاف
 
 

قبلہ اوّل کے خلاف اردن،اسرائیلی اشتعال انگیزی بند کرائے: فلسطینی اوقاف

E-mail Print PDF

0Pala11276مقبوضہ بیت المقدس (فلسطین نیوز۔مرکز اطلاعات) فلسطینی محکمہ امور اوقاف ومذہبی امور نے صیہونی اشرار کے قبلہ اول پردھاووں اور صہیونی پولیس کے ہاتھوں فلسطینی شہریوں کو ہراساں کیے جانے کے اقدامات کو ’اشتعال انگیز‘ قرار دیتے ہوئے ان کی شدید مذمت کی ہے۔

فلسطین نیوز کو موصول ہونے والی اطلاعات کے مطابق بیان میں مسجد اقصیٰ میں اسرائیلی پولیس کی کارروائی میں قبلہ اوّل کے سیکیورٹی اسٹاف کے سربراہ کی گرفتاری، باب الرحمۃ کو چیک پوسٹ میں تبدیل کرنے اور مسجد اقصیٰ کی حفاظت پر مامور کارکنوں کو بے دخل کرنے کے اقدامات کو صیہونی ریاست کی مذہبی اشتعال انگیزی قرار دیا۔

بیان میں مزید کہا گیا ہے کہ فلسطینی حکام نے اردن کی ہاشمی مملکت سے بھی رابطہ کیا ہے عمان کو مسجد اقصیٰ میں صہیونی اشرار کی کارروائیوں کے بارے میں آگاہ کرنے کے ساتھ اسرائیلی پولیس کی اشتعال انگیز کارروائیوں کی روک تھام کے لیے فوری مداخلت کا مطالبہ کیا گیا۔

فلسطینی محکمہ اوقاف نے مسجد اقصیٰ کے سیکیورٹی امور کے سربراہ عبداللہ ابو طالب کی گرفتاری اور باب الرحمۃ کی چھت پر چیک پوسٹ قائم کرنے کو کھلم کھلا صیہونی اشتعال انگیزی قرار دیا۔