اسرائیل کے خلاف مسلح مزاحمت جاری رکھیں گے، انصاراللہ ، حزب اللہ

Print

0Pala11708بیروت (فلسطین نیوز۔مرکز اطلاعات) لبنان کی مزاحمتی تنظیموں حرکت انصاراللہ کی مجلس شوریٰ اور حزب اللہ کی قیادت نے صیہونی ریاست کے جرائم کے خلاف مسلح جدو جہد اور مزاحمت جاری رکھنے کے عزم کا اعادہ کیا ہے۔

فلسطین نیوز کو موصول ہونے والی اطلاعات کے مطابق انصار اللہ کی قیادت کے ایک وفد نے گذشتہ روز بیروت میں حزب اللہ کے صدر دفتر کا دورہ کیا اور تنظیم کی قیادت سے ملاقات کی۔

حزب اللہ کے دفتر سے جاری ہونے والے بیان میں کہا گیا ہے کہ عرب ممالک میں امریکی اور صیہونی سازشوں کو ناکام بنانے کے لیے عرب دنیا کی مزاحمتی قوتوں کو اپنی صفوں میں اتحاد پیدا کرنا ہوگا۔

بیان میں کہا گیا ہے کہ امریکا اور صیہونی مل کر فلسطینی کاز کو نقصان پہنچانا چاہتے ہیں اور اس مذموم مقصد کے لیے ’صدی کی ڈیل‘ کی سازش شروع کی گئی۔

حزب اللہ کا کہنا ہے کہ تنظیم صیہونی ریاست کے مظالم کے خلاف مزاحمت کے تمام راستے استعمال کرنے کی پالیسی پرقائم رہے گی۔ حزب اللہ نے ماضی میں بھی صیہونی ریاست کے خلاف اور فلسطینی قوم کی حمایت کی اور امریکی، صیہونی گٹھ جوڑ کو ناکام بنایا ہے۔