You are here: حماس ارض فلسطین کا ایک ذرہ بھی غاصب اسرائیلیوں کو نہیں دیں گے:الزھار
 
 

ارض فلسطین کا ایک ذرہ بھی غاصب اسرائیلیوں کو نہیں دیں گے:الزھار

E-mail Print PDF

0Pala6353غزہ (فلسطین نیوز۔مرکز اطلاعات) اسلامی تحریک مزاحمت ’حماس‘ کے سیاسی شعبے کے سینیر رکن ڈاکٹر محمود الزھار نے کہا ہے کہ ان کہ جماعت ارض فلسطین کے ایک ذرے پر بھی کسی کو افراط و تفریط کی اجازت نہیں دےگی۔

فلسطین نیوز کو موصول ہونے والی اطلاعات کے مطابق ان کا کہنا ہے کہ سنہ 1948ء میں نام نہاد صیہونی ریاست کے قیام کے بعد آج تک جتنے فلسطینی علاقوں پر اسرائیلی قبضہ مافیا نے غاصبانہ تسلط جمایا ہے وہ ناجائز اور غیرقانونی ہے۔ ہم اپنی زمین کےایک ذرے سے بھی دست بردار نہیں ہوں گے۔ فلسطین قوم نے اپنے وطن کی آزادی کے لیے بے پناہ قربانیاں دی ہیں۔ ہمارا وطن ہمارا عقیدہ ہے اور اس میں کسی کمی بیشی کی اجازت نہیں دی جاسکتی۔

ڈاکٹر الزھار نے کہا کہ فلسطین کسی حکومت یا ریاست کی ملکیت نہیں بلکہ یہ پورے عالم اسلام کی ملکیت ہے۔ ہم  فلسطین اور پوری مسلم امہ کے وفادار سپاہی ہیں۔

خیال رہے کہ 6 دسمبر2017ء کو امریکی صدر ڈونلڈ ٹرمپ نے بیت المقدس کو اسرائیل کا دارالحکومت تسلیم کرنے کے بعد تل ابیب سے سفارت خانہ القدس منتقل کرنے کا اعلان کیا تھا۔ ٹرمپ کے اس اعلان پر عرب ممالک اور عالم اسلام کی طرف سے شدید رد عمل سامنے آیا ہے۔